Link açıqlığı

Saatnıñ esas haberi

Kiyevde Ukraina Yuqarı Şurası yanında köçip kelgenler saylavlarda rey berüv aqqını talap eteler


Mecburen köçip kelgenler sentâbr 14 künü Kiyevde Yuqarı Rada binasına Ukrainada oktâbr ayında keçirilecek yerli saylavlarda rey berüv aqqını talap etmege kelgenler.

Parlament yanında narazıcılar «köçip kelgenler içün kiriş yasaq» yazısı ile kabinanı yerleştirdiler.

Aktsiya iştirakçileriniñ malümatına köre, şimdi Yuqarı Radada köçip kelgenlerniñ saylav aqlarını qoruğan üç qanun leyhası bar. Olarnıñ arasında çeşit firqa deputatları ve cemaat teşkilâtları tarafından işlep çıqarılğan 2501a-1 qanun leyhası bar.

Narazıcılar deputatlarnı işbu qanun leyhasını rey berüvge qoymağa qandırmağa tırışalar.

Teşkilâtçılarnıñ fikrine köre, Ukraina vatandaşlarınıñ siyasiy aqları saqlanılmalı ve amelge keçirilmeli.

2015 senesi oktâbr 25 künü Ukrainada yerli saylavlar keçirilecek. Yerli saylavlarnıñ hususiyeti şunda ki, yalıñız mütenasip territorial cemiyetniñ azaları rey bere bile.

XS
SM
MD
LG