Link açıqlığı

Qırımtatar halqınıñ yetekçileri tarafından ilân etilgen Qırımnıñ grajdanlıq qamaçavı işğal etilgen yarımadada olğan bizneske ve buña qol tutqan ukrain memurlarına çağıruvdır, dep tüşüne «Tış işler Maydanı» hayriye fondunıñ mütehassısı Yuriy Smelânskiy.

Bunı o Qırım.Aqiqatqa bildirdi.

Onıñ fikrine köre, ukrain malı ile maşinalarnıñ yarımadağa kirsetilmemesi Ukrainanıñ «Qırım» serbest iqtisadiy zonası aqqında qanunına tesir ete bilecek.

«İlân etilgen aktsiya – memleketimizde cenk şaraitlerinde olayatqan ketişatlarğa nisbeten vatandaşlarnıñ mevamıdır. Bu işğal etilgen Qırım, Lugansk ve Donetsk vilâyetleri ile bağlı qararlarnıñ alınmasında akimiyet temsilcileriniñ noqtaiy nazarına tesir ete bile», – dey ekspert.

Smelânskiy şunı hatırlattı ki, parlamentte «Qırım» serbest iqtisadiy zonası aqqında qanunnı lâğu etecek qanun leyhaları qayd etilgen. Amma olarnı daa parlament baquvına çıqarmadılar.

«Qırım» serbest iqtisadiy zonası aqqında qanun qabul etilgenine öz aqçasını masraf etkenler bar. Olarğa ne, onıñ devam etmesi kerekmeymi? Ebet, kerek. İşbu insanlarnıñ alternativ leyhanıñ qabul etilmesi degil de, atta baqılmaması içün areket etecek deputatları bar», – dedi Smelânskiy.

Onıñ sözlerine köre, bu qanunnıñ tarafdarları – Qırımda biznesi olğan ukrain iş adamlarıdır. Olarnıñ ad ve soyadlarını ekspert qayd etmey.

Hatırlatamız, qırımtatarlarnıñ yetekçileri Qırım ile memuriy sıñırnı blok etip, işğalci yarımadağa ukrain malınıñ ketirilmesini toqtatmaq niyetindeler..

XS
SM
MD
LG