Sentâbr 13 künü Qırım ve Aqyar musulmanları diniy idaresi yanında Kebir camisinde qadınlar içün İslâm ve Quran oquv kursları açıldı. Birinci derske 10 qadın qoşuldı, eñ büyügi 85 yaşında, haber ete QMDİ matbuat hızmeti.
Dersler arap elifbesiniñ tez sürette oquv nazariyetinde, arap tilinde ariflerniñ yazıluvı ve Qurannı oquv qaidelerinde qurula. Aynı bu sırada qadındar din, İslâm şartları, Muhammed Peyğamberiniñ ayatı tasviri, İslâm tarihı ve diger islâm ilimleri ile tanış olacaqtır.
Birinci dersniñ çerçivesinde kurs ocası, Azaq medresesiniñ mezunı Lilâ Seitmemetova kiriş lektsiyasını keçirip, muqaddes Qurannıñ endirilüvi, Allahnıñ resuli Muhammed Peyğamberiniñ İslâmnıñ tarqatıluvındaki rolü aqqında tarif etti, em de qadınlarnı arap elifbesi arifleriniñ yarısına ögretti, haber ete matbuat hızmeti.
Programma altı ay devam etecek, soñunda mezunlar QMDİ şeadetnamelerini elde etecek.
