Link açıqlığı

Çubarov YES er yıllıq konferentsiyasındaki çıqışına yekün çekti


Kiyevde sentâbr 12 künü keçirilgen YES 12-nci er yıllıq konferentsiyasındaki çıqışınıñ bazı bir esas noqtalarını Facebook saifesinde Qırımtatar Milliy Meclisiniñ reisi Refat Çubarov qayd etti.

O, Qırımnı qaytarmaq maqsadı ile cezalarnı arttırmaq zaruriyetini qayd etti.

«Daa da semereli obyektlerni saylamaq kerek. Menimce, Putinniñ yaqın maliyeviy etrafı. Olarnı Putin iş odasına kirip – olmaz, Qırımdan ketmelimiz demege mecbur etiñiz», – yaza Çubarov.

Qırımnıñ işğalden azat etilmesiniñ ekinci müim noqtası – Ukraina mudafaa imkâniyetiniñ arttırıluvı ve «islâat, qaparcılıq ile küreş, adaletli mahkeme»dir, dey Çubarov.

«İnanam ve eminim, (Qırım Ukrainanıñ olacağına), o uzun müddetten soñ qaytacaq kibi fikirnen razı degilim… Anda Avropa halqı reinedir – işğalge qarşı açıq ve kütleviy sürette narazılığını bildirgen qırımtatarları, anda bunı afu etmeyler», – dep yaza Qırımtatar Milliy Meclisiniñ reisi.

Qırım Rusiye tarafından 2014 senesi işğal etilgeninden evel YES körüşüvleri Yaltanıñ Livadiya sarayında keçirile edi.

Keçken seneden YES Kiyevde keçe. Bu sene tedbir «Telüke zonasında: Yañı Ukraina taqdiriniñ Avropa ve dünyağa tesiri» şiarı ile keçti.

XS
SM
MD
LG