Link açıqlığı

300 musulmandan ibaret Qırım seyyalarınıñ eyyeti Mekkeniñ al-Haram camisinde yüz bergen qazadan zarar körmedi. Bunı Qırım Müftiyatınıñ matbuat hızmetinde Qırım seyyalarınıñ özleri bildirdiler.

«Qırım musulmanları diniy idaresine seyyalarımıznıñ tuvğanlarındаn muracaatlar kele, olarnı tınçlandırmağa aşıqamız, Qırım seyyaları qaza vaqtında camide bulunmağan edi. Bugün üyleden soñ acılarımız ile 6 avtobus Medineden çıqtı, al-azırda yoldalar, bir qaç saatten Mekkege kelmek kerekler», – deyler matbuat hızmetinde cuma künü, sentâbr 11-de.

Malüm olğanı kibi, cuma künü, sentâbr 11-de, Mekkede dünyada eñ büyük al-Haram camisine qurucılıq kran tüşti. Bu vaqıtta camide İslâmnıñ muqaddes yerlerine acılıqqa kelgen yüzlerce musulman buluna edi. Soñ malümatqa köre, eñ azından 87 insan elâk oldı, 180-den ziyade zarar kördi.

XS
SM
MD
LG