Link açıqlığı

«Qırım evi» köçip kelgenler içün muzıka studiyasına aqça toplay


«Qırım evi» devlet şirketi Qırımdan köçip kelgenler içün muzıka studiyasınıñ teşkil etilmesine para toplanılmasını ilân etti.

«Qırımdan köçip kelgenlerniñ ihtiyacları arasında medeniy meseleler ayırılıp tura. «Qırım evi» semetdeşlerimizniñ teşebbüslerine qol tutıp, Kiyevde muzıka studiyasını teşkil ete, mında bala horu, qırımtatar halq çalğı aletleriniñ taqımı, ses yazıcı studiya ve başqa şeyler olacaqtır», – bildirile şirketniñ Facebook saifesinde.

Studiyanıñ teşkil etilmesi boyunca ilhamcı – belli çalğıcı ve qırımtatar muzıka ustası Cemil Karikov.

«Vatandaşlarımıznı binanıñ abadanlaştıruvı (tamiri) ile yardım etmege çağıramız. Studiyamıznıñ yaqın aftaları açılğanından soñra, işbirlikke davet etemiz», – denile beyanatta.

43 biñ grivna toplamaq kerek.

XS
SM
MD
LG