Link açıqlığı

Saatnıñ esas haberi

Turçinov Lavrovğa: Rusiye ordusını tek Donbasstan degil, Qırımdan da çıqarmalı


Ukraina Milliy havfsızlıq ve mudafaa şurasınıñ kâtibi Оleksandr Turçinov Rusiye Federatsiyasınıñ Tış işler naziri Sergey Lavrovnıñ Ukraina territoriyasından «ecnebiy yalçılarnı» çıqarmaq zaruriyeti aqta aytqanını izaatladı.

«Toprağımızdan ecnebiy yalçılarnı çıqarmağa kerek olğanı aytqan Lavrovnen razı olmağa mümkün. Amma Rusiye Federatsiyasınıñ yolbaşçılığı yalçıları ile birlikte Rusiye silâlı quvetleriniñ küçlerini tek Donbasstan degil de, Qırımdan da qaytarmaq kerek», – dedi Turçinov, haber ete SNBO matbuat hızmeti, sentâbr 11 künü.

Sentâbr 11-de Rusiye Tış işler nazirligi bildirgeni kibi, Ukraina territoriyasından bütün ecnebiy yalçılar, Minsk añlaşmalarına köre, çıqarılğan eken, haber ete RİA Novosti.

Rusiye Qırımnı 2014 senesi mart ayında işğal etti.

XS
SM
MD
LG