Link açıqlığı

Aqmescitniñ Kuybışev çarşısında yerli akimiyetniñ sebze ve meyvalarnıñ soqaqta satıluvına qarşı nevbetteki teşkerüvi keçti. Qırım.Aqiqat mühbiri bildirgeni kibi, bunı Aqmescit çarşılarına aftada bir qaç kere eteler.

Şu zamanda özü östürgen meyva ve sebzelerini satqan insanlar olarnı qanuniy sürette satmağa çareleri olmağanına şikâyet eteler, çünki yerli akimiyet olarğa çarşıda yer ayırmay eken.

Olarnıñ sözlerine köre, çarşıda yerler olarnı uzun müddetke kirağa ala bilgen iş adamlarına yüksek ücretke berile.

İşsizlik artqanı sebebinden satıcılarnıñ çoqusına köy hocalığı mahsulatınıñ satıluvı yekâne kâr tapuv imkâniyetidir.​

​Satıcı vaqtında mahsulatını satıp olamasa, onı politsiya hadimleri tutıp ala bile, saibini ise cezalaylar. Sebze ya meyvalarnı politsiya hadimleri ya yoq ete, ya da çöplükke atalar.

XS
SM
MD
LG