Link açıqlığı

Qırımğa İtaliyanıñ sabıq baş naziri Silvio Berlusconi keldi. Bunı cuma künü, sentâbr 11-de, TACC bildire.

Bildirilgeni kibi, İtaliya Nazirler kabinetiniñ sabıq başı Rusiye prezidenti Vladimir Putin ile körüşecek. Bundan evel böyle körüşüvniñ ola bilecegi aqqında Putinniñ matbuat kâtibi Dmitriy Peskov bildirgen edi.

Onıñ sözlerine köre, Silvio Berlusconi ve Putin «yalıñız Rusiye-İtaliya munasebetlerini degil de, halqara sanadaki vaziyetni» muzakere ete bileler. Şu cümleden, söz «müim regional meseleler» aqta ola bile.

«Silvio Berlusconi kibi siyasetçi ve devlet insanları ile er angi bağ – bu, ebet, diplomatiyağa ait», – dedi Peskov.

Ukraina Tış işler nazirligi bütün devletlerge Ukrainanıñ işğal etilgen territoriyasına kiriş-çıqış qaidelerini yollağan edi.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ Qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG