Qırımnıñ Rusiye akimiyeti Rusiye Federatsiyasına «yarımadada biznes ile bağlı vaziyetni eyileştirmek» içün 50-den ziyade senetke deñişüvlerni kirsetmege rica ete. Bunı Qırımnıñ şimdiki başı Sergey Aksenov bildire, haber ete TASS.
«Qanun çıqarıcı seviyede bir 50 deñişüvni kirsetmek kerek. Şu cümleden Rusiye ükümetiniñ qararlarına ve bazı qanunlarğa. Bütün teklifler resmiyleştirilgen. Bizden, federal qanuniyet deñişüvleri boyunca uquq çıqarıcı teşebbüs olaraq, Vladimir Konstantinov (Qırım parlamentiniñ spikeri) yolladı. Men Rusiye ükümetine yolladım», – dey o.
Onıñ sözlerine köre, Qırımda biznesniñ esas meselesi «uzun ve ücüz ödünçlerni elde etmek imkâniyetiniñ olmağanı ile bağlı». Qırım teklifleriniñ uyğunlaşuv ketişatı yavaş ketkeni aqqında qayd etti.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ Qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
