Link açıqlığı

Ukraina prezidenti Petro Poroşenko aytqanı kibi, Rusiye Federatsiyası işğal etilgen Qırımnı arbiy bazağa çevirdi. Onı Qara ve Aq deñizlerde vaziyetni kerginleştirmek içün qullana. Bunı o cuma künü, sentâbr 11-de, er yıllıq «Yalta Avropa Strategiyası» (YES) körüşüvinde çıqışta bulunıp ayttı, haber ete Qırım.Aqiqat.

«Yalta Avropa Strategiyası» iştirakçileri ögünde çıqışta bulunğan Porşenko Avropa Birliginden 2014 senesi baarde lâyıq cevap körmegen Qırımnıñ qanunsız işğali aqqında hatırlattı.

«Vaqtında olmağan cevap daa da ağır aqibetlerge ketire. Rusiye tarafından Qırımnıñ qanunsız işğali halqara toplulıqnıñ küçlü ve acele сеvabını körmedi ve bu al Kremlge istilânıñ nevbetteki basamağına keçmege imkân berdi. Bu künleri Rusiyeniñ «yeşil adamçıqları» Suriyege kele, Yaqın Şarqta zulumnı arttıra ve Avropa Birligine qaçaqlarnıñ sayısı daa da büyük olmasına sebep yarata. Rusiye Qırımnı ileride de Qara ve Aq deñizlerde vaziyetni kerginleştirmek içün arbiy bazağa çevirdi», – skazal Poroşenko.

Qırım.Aqiqat bildirgeni kibi, Poroşenko Ukraina Rusiye tarafından işğal etilgen Qırım üzerinde nezaretini qaytarmağa planlaştırğanını bildirdi

Bildirilgeni kibi, Kiyevde 12-nci er yıllıq «Yalta Avropa Strategiyası» (YES) körüşüvi keçirile. Sentâbr 11 künü, cuma, tedbirni Ukraina prezidenti Petro Poroşenko aça, çıqışı al-azırda 350 ecnebiy siyasetçi arasında keçe – siyasetçi, diplomat, iqtisatçı, mütehassıslar, ressamlar, cemaat erbapları.

«Telüke zonasında: Yañı Ukraina taqdiriniñ Avropa ve dünyağa tesiri» şiarı ile tedbir cumaertesi kününe qadar keçecek.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ Qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG