Link açıqlığı

Saatnıñ esas haberi

Qırımda avdet olunğanlarğa ayırılğan paranıñ tek 8% qullandılar – deputat


Qırımda sürgün olunğanlarnıñ abadanlaştıruvı programması boyunca bücet parasından faydalanmağa yetiştirmeyler. Bunı Qırımnıñ rusiyeli devlet şurasınıñ matbuat hızmeti bildire.

«Qırım tek 8,2% qullandı ve bu pek raatsız ete. Amma buña obyektiv sebepler bar, çünki iç bir obyetkniñ müendis azırlığı yoq, topraq damartılarınıñ ayırılması ile bağlı mesele al etilmegen, yerli idare organlarında kadastr işleriniñ keçirilmesine aqça yoq. Bundan da ğayrı, 2016 senesine maliyeviy ödünçke ait obyektlerniñ cedveli daa tizilmegen», – dep bildire Qırım parlamentiniñ milletlerara munasebetler komitetiniñ başı Edip Gafarovnıñ sözlerini matbuat hızmeti.

Beyanatta bildirilgeni kibi, bu sene avdet olunğanlar içün ayırılğan 35 qurucılıq obyektine 250 mln ruble, cumhuriyet bücetinden – 53 mln ruble ayırılğan. Faqat, Qırım yılnıñ soñuna qadar bu aqçanı qullanmağa yetiştirmey.

Qırım Rusiye tarafından 2014 senesi mart ayında işğal etti. Ukraina ve Ğarp yarımadanı işğal etilgen topraq olaraq tanıy.

XS
SM
MD
LG