Qırımtatarlarnıñ yetekçileri tarafından teklif etilgen Qırımnıñ «aşayt qamaçavı» Ukraina devletiniñ öz anayasa vazifelerini eda etip olamağanına cevap olaraq peyda oldı.
Bunı Qırım.Aqiqatqa siyasetşınas, Free Crimea leyhasınıñ idarecisi Taras Berezovets bildirdi.
O şunı qayd etti ki, sıñır nezareti – devlet organlarınıñ mecburiyetidir.
«Devlet vazifelerini becermek – bu vatandaşlarnıñ işi degil. Sıñır nezareti vatandaşlarnıñ teşebbüsine keçemez, çünki bugün bu bir yerde oldı, yarın ise, misal içün, Zakarpatyede asıl macar ukrainleri anda bir şey blok etip, bozuluv aqqında aytacaq», – dey Berezovets.
Bunıñ ile o şunı da qayd etti ki, qırımtatarlarnıñ işbu bildirüvine devlet memurları Qırım ile memuriy sıñırda qabarcılıqnıñ yoq etilmesi boyunca mütenasip qararlarnı almalı.
«Devlet vatandaşlarnıñ Ukraina qanuniyeti bozulğanından çorlanğanına diqqat etmeli, ve gümrük, sıñır hızmetleriniñ hadimlerini teşkermeli, elastı malı vatandaşlar tarafından blok etilmesin, bu devlet vazifesidir».
O, işğal etilgen Qırımda eki milliondan ziyade ukrain vatandaşı yaşağanını unutmamaq çağırdı. «Problemlerniñ temeli» olaraq Berezovets Qırımnıñ qaytarılması boyunca devlet strategiyasınıñ olmamasını qayd etti.
Hatırlatamız, qırımtatarlarnıñ yetekçileri Qırım ile memuriy sıñırnı blok etip, işğalci yarımadağa ukrain malınıñ ketirilmesini toqtatmaq niyetindeler.
