Qırımtatar Milliy Meclisi tarafından ilân etilgen Qırımnıñ «mal qamaçavı» olsa, Qırımda aşayt malları ile problem olmaz. Bunı Qırım.Aqiqatqa Qırımnıñ distributor şirketlerinden biriniñ müdiri ayttı.
Onıñ sözlerine köre, bugün Qırımda ukrain malınıñ payı yüksek degil, çünki Qırımnıñ ticariy ağları ukrain tarafı ile işbirlikten vageçe.
«Qırımda ukrain mahsulatınıñ fiyatları Rusiye fiyatlarına teñ kele, çünki ukrain malını yarımadağa ketirgen ortaq şirketler mal fiyatına bütün masraflarnı qoşa ve neticede malnıñ fiyatı paalılaşa. Evel «ATB» olğan Qırımnıñ «PUD» ticaret ağı yolbaşçılarından ukrain malını sımarlamamaq kibi avaleni aldı», – dey şirket reberi.
Malümatqa köre, eger de yarım yıl evelsi Rusiye ve qıtaiy Ukrainadan ketirilgen et fiyatı arasında farq duyulsa, bugün, misal içün, ukrain domuz etiniñ bir kilosı tek 5 rublege ücüzca çıqa.
Hatırlatamız, qırımtatarlarnıñ yetekçileri Qırım ile memuriy sıñırnı blok etip, işğalci yarımadağa ukrain malınıñ ketirilmesini toqtatmaq niyetindeler.
