Qırımda sentâbr 9 künü Aqmescit merkeziniñ Qırımtatar sanaat müzeyinde çalğı aletleriniñ «Yanğırasın muzıka» serlevalı sergisi açıldı.
Qırım.Aqiqat mühbiri bildirgeni kibi, aletler arasında – Mamut Refatovnıñ sazları, usta Martaza Velicanovnıñ tuvğan Tuvaq şerifine adlandırğan «qavut» aleti, İdris Veliyevniñ davulı ve «Stradivari» Lüman Seitcelilovnıñ kemaneleri bar edi.
Rustem Skibin, Raim Karimov, Resul Halilov, Nariman İdrisov, Rasim Yunusov kibi zemaneviy ustalarnıñ işleri uruv aletleri şekinde taqdim etilgen: «dare», «davul», «dumbelek», qaval.
Yaş usta Dilâra Abdureşitova dünya halqlarınıñ aletlerini taqdim etti. Eski fotoresimler ve qırımtatar ressamlarınıñ resimleri seyircilerni halqnıñ muzıkal asabalığınıñ tarihı ile tanıştırdı.
Sergi açılışında Özbekistannıñ ve Qırım Muhtar Cumhuriyetiniñ nam qazanğan artisti Lüman Seitcelilovnıñ kemanesinde ustanıñ sevimli eserlerinden olğan «Navrez»ni icra etti.
