Ukraina havfsızlıq hızmeti (SBU) Herson vilâyetinde Rusiye Federatsiyasına Qırımnı zapt etmege yardım etken separatistni tuttı. Bunı cumaaqşamı künü, sentâbr 10-da, SBU matbuat hızmeti bildire.
SBU malümatına köre, 2014 senesi fevral ayında cinayetçi «samooborona» bölüklerine qoşulmaq maqsadı ile Qırımğa keldi.
«Kazaklarğa qoşulıp, blokpostlarda silâ ile nevbette tura, ukrain arbiy bölüklerini blok ete, vatandaşlarnı Qırım statusı aqqında qanunsız referendumda iştirak emtege çağıra edi. Çıqışları içün separtist bıltır sentâbr ayında Qırımnıñ sahte akimiyeti tarafından ştandart ile taqdirlenildi», – denile beyanatta.
Herson vilâyetine qaytqanda, Ukraina havfsızlıq hızmeti tarafından yaqalanıldı.
Evinde keçirilgen tintüv vaqtında av tüfegi ve RGD-5 granatası tapıldı.
Oña apis cezası berildi.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ Qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
