Link açıqlığı

İoffe Qırımnıñ «mal qamaçavı» teşebbüsçilerini cinaiy işler ile qorquza


Qırımnıñ Cemaat palatasınıñ reisi Grigoriy İoffe Qırımnıñ «mal qamaçavı» teşebbüsçileri – Qırımtatar Miilliy Meclisiniñ reisi Refat Çubarov, qırımtatar halqınıñ lideri ve Bütündünya qırımtatar kongressiniñ prezidenti muavini Lenur İslâmovnı cinaiy işler beklegeni aqta bildirdi. Bunı sentâbr 10 künü, cumaaqşamı, RİA Krım haber ete.

Onıñ sözlerine köre, böyleliknen olar «Rusiye topraq bütünligini bozacaq olalar».

«Öz bildirüvleri ile Rusiye topraq bütünligini şübe altına qoyalar, buña cinaiy kodeksniñ muayyen maddeleri bar. Tüşünsinler», – dedi İoffe.

Şusı meraqlı ki, yaqında Qırım Devlet şurasınıñ reisi Vladimir Konstantinov atyqanı kibi, Qırım qamaçavdan zarar körmez eken.

Hatırlatamız, qırımtatarlarnıñ yetekçileri Qırım ile memuriy sıñırnı blok etip, işğalci yarımadağa ukrain malınıñ ketirilmesini toqtatmaq niyetindeler.

Mustafa Cemilev matbuat konferentsiyasında aytqanı kibi, «ukrain malınıñ 80% Keriç boğazından Rusiyege yollanıla, çünki anda fiyatlar daa da paalı. İşğal etilgen territoriyalarda semetdeşlerimizni qıynağan aydutlarnı aşatmağa mümkün degil».

XS
SM
MD
LG