Qırımtatar Milliy Meclisi reisiniñ muavini İlmi Ümerov dey ki, Qırım Rusiye tarafından işğal etilgeninden soñ yarımadanıñ qamaçavı ile bağlı sualni qaparcılıq ve ukrain akimiyetiniñ curatsızlığı çezmege bermey.
«Er kes razı olsun, yani Ukraina ile cenkleşmege ve nasıldır bir meselelerde oña tayanmağa aqılsız bir şey. Bu sualni çezmege qaparcılıq ve ukrain akimiyetiniñ curatsızlığı, ğaliba, imkân bermey edi. Menimce, Ukrainadan işğal etilgen Qırımğa mal ketirüviniñ toqtatılması aqqında sual numayışlarsız qalmalı, bu ukrain akimiyetiniñ ar-namus borcudır, er şeyni azırlamaq içün daa bir-eki afta bar», – dedi Ümerov haber agentlikleriniñ birine, dep bildire Meclisniñ matbuat hızmeti.
Onıñ fikrine köre, işğal vaqtında «referendum»ğa qol tutqan eali «öz mabutlarından» ayat seviyesiniñ eyileşüvini bekley, fiyatlarnıñ köterilmesi ve ayılqlarnıñ qısqartılmasını degil. Şimdi, aytqanı kibi, aynı öyle ola.
Bildirlgeni kibi, qırımtatarlar sentâbrniñ 20-nci künleri Qırım ile memuriy sıñırnı blok etecek olalar. Böyleliknen qırımtatarlarnıñ yetekçileri «işğalci rejimge» aşayt malı ketirilmesini toqtatmaq niyetindedir.
Qırım akimiyeti bildirgenine köre, Qırım Ukraina tarafından ola bilecek naqliyat ve mal qamaçavına azırdır.
