Link açıqlığı

Qırım Musulmanları Diniy İdaresi bildirgeni kibi,​ Qırım seyyaları Mеdinеge amanlıq ile barıp çıqtı ve «oñaytlı musafirhanelerde yerleştiler».

«Yarın, sentâbr 10-da, Qırım musulmanlarına Kuba camisininde ekskursiyanı keçirecek ve Uhud uruşı – Muhammed Peyğamberiniñ Mekke küreyşleri ile ekinci büyük uruşı aqqında tarif etecekler. Sentâbr 11 künü, cuma namazından soñ, seyyalar acılıq merasimlerini yerine ketirmek içün Mekkege yol alacaqlar», – denile QMDİ matbuat hızmetinde.

Qırım musulmanları acılıqqa sentâbr 7 ve 8 künleri yol aldı

Acılıq 20-21 kün devam etecektir.

Bu sene Rusiyeniñ acılıq eyyetine kirgen qırımlılar içün 300-den ziyade yer berildi.

Berilgen malümatqa köre, Saudiy Arabistan 200 Qırım acısına maddiy yardım köstermege azır. Bunı Ukraina prezidentiniñ qırımtatar halqı işlerinden vekâletlisi Mustafa Cemilevniñ Ukraina Saudiy Arabistan Qırallığınıñ fevqulâde ve vekâletli elçisi Cudiya Alhazal ile körüşüvinden soñ ayttılar.

Evel Ukraina prezidentiniñ qırımatatar işlerinden vekâletlisi Mustafa Cemilev Rusiye Federatsiyasınıñ ayırğan yerlerinden faydalanğan qırımlılar qanunnı bozğanı aqqında bildirgen edi.

Acılıq ibadeti – islâm dininiñ beş farzlarından biridir. Er bir musulman acılıq ibadetini yerine ketirmeli.

XS
SM
MD
LG