Link açıqlığı

Yaltada Rusiye tarafdarı olğan «Qırım» teşkilâtınıñ bölügi açıldı


Yaltada «Qırım» regionlarara cemaat areketiniñ bölügini açtılar. Bunı Qırımnıñ şimdiki başınıñ muavini Ruslan Balbek Yalta regionınıñ qırımtatar ealisiniñ vekilleri ile körüşüvinde ayttı, haber ete Qırım.Aqiqat mühbiri.

Balbekniñ sözlerine köre, «Qırım» areketi yarımada boyunca öz temsilciliklerini aça: endi, aytqanı kibi, Qırımda 18 regional bölük açılğan.

«Qırım» arеketi memuriyetler ile faal işbirlikte buluna, bunıñ sayesinde zaruriy malümatnı tez sürette elde etmege, alınğan qararlardan haberdar olmağa, yerli akimiyetniñ yapqan adımlarını cemaatçılıqqa bildirmege. Bu er şey daa da faydalı olmağa imkân bere. Sizni cemaat ayatında faal iştirak etmege ve «Qırım» areketine qoşulmağa çağıram», – dey o.

Öz nevbetinde, körüşüvde Qırımnıñ rusiyeli Devlet şurası reisiniñ muavini Remzi İlyasov qırımtatar halqına «birleşmege kerek» olğanını qayd etti.

«Barışıqnı saqlap oldıq. Baqıñ, kimse atmay, qan aqılmay, çeşit millet vekilleri arasında iç bir qarşılıq yoq, birlikte em musulman, em hristian bayramlarını qayd etemiz», – dey o.

İlyasov «Qırım»nıñ Yalta bölüginiñ reisi Dilâver Seydametovnı tanıştırdı. Üç aydan soñ işi neticeleri aqqında esabat bermeli.

XS
SM
MD
LG