Aqmescitte Qırım musulmanları diniy idaresinde qadınlar içün diniy-maarif seminarları keçirilecek. QMDİ matbuat hızmetiniñ bildirgeni kibi, yañı oquv yılında birinci seminar sentâbr 9 künü keçirilecek.
Kurslar Qırım musulmanlar diniy idaresiniñ «Faydalı ilim» tasil leyhasınıñ çerçivesinle keçirilecek. Bildirilgeni kibi, islâm ilimleri ocası Zeyneb Bairova İslâmda musulman qadınınıñ inkişafınа, turmuş, aileviy, içtimaiy ayatında maarifine, diniy bilgilerniñ arttırılmasına bağışlanğan seminarlarnı er afta keçirecektir.
Qırım musulmanlar diniy idaresinde bildirilgeni kibi, kurs programması ekinci sene devam ete.
