Qırım rusiyeli ükümetiniñ baş nazir muavini Ruslan Balbek yarımadada AQŞ elçihanesi yanında numayışta iştirak etmege istegen qırımtatarlarnıñ teşkil olunuvı boyunca kampaniyanıñ başlanuvını ilân etti. Bunı Balbek RİA Novosti agentligine bildirdi.
Onıñ sözlerine köre, narazıcılar Amerika elçihanesi yanında «yarımadanıñ içki siyasetine qarışmamağa» rica etecekler.
Evel Ruslan Balbek qırımtatarlarnıñ yetekçileri Refat Çubarov ve Mustafa Cemilevniñ yarımada «mal qamaçavı» ile bağlı ğayelerini «Qırımğa qarşı ve ğarp yolbaşçıları tarafından aytılğan siyasiy adım» olaraq adladı.
O şunı da qayd etti ki, Qırım akimiyeti «böyle areketlerge qol tutmasa da, AQŞ elçihanesi yanında narazılığını bildirmege istegen qırımtatarlarnı añlay».
Hatırlatamız, qırımtatarlarnıñ yetekçileri Qırım ile memuriy sıñırnı blok etip, işğalci yarımadağa ukrain malınıñ ketirilmesini toqtatmaq niyetindeler.
