Link açıqlığı

«Üç tilli» Qırımda balalarnıñ 3% bile qırımtatar tilinde oqumay


Qırımnıñ oquv yurtlarında rus tilinde 96,74% bala tasil ala. Bu kibi malümatnı Qırımnıñ tasil, ilim ve gençler nazirligi bildire.

Rusiyeli nazirlikniñ malümatına köre, qırımtatar ve ukrain tillerinde 2,76% ve 0,5% bala oquy.

«Şu cümleden, 2015-2016 seneleri qırımtatar tilinde 5083 bala oquy. Qırımtatar tilli oqutuvı ile 15 mektep bar. Qırım Cumhuriyetinde qırımtatar tilinde oqutuv 53 umumtasil mektepte alıp barıla. Bu oquv yılı 37 birinci sınıf açıldı. Keçken senege köre, qırımtatar tilli sınıflarda talebelerniñ sayısı 188 insanğa arttı», – denile beyanatta.

Qırımnıñ Tasil Nazirliginde ukrain tilinde yarımadanıñ 13 regionındaki 22 umumtasil mektebinde 949 insan oquy.

Qırım.Aqiqat bildirgeni kibi, yarımada mekteplerinde qırımtatar tilinde derslikler yoq.

XS
SM
MD
LG