Link açıqlığı

Qırımtatarlar Qırımda serbest iqtisadiy zona aqqında qanunnı lâğu etmek teklifi ile muracaatta bulunalar


Bütündünya qırımtatar kongressiniñ prezidenti muavini Lenur İslâmov Ukrainanıñ vaqtınca işğal etilgen Qırımda iqtisadiy zonanıñ olması aqqında qanunını tenqit etti ve qanun çıqarıcılarğa bu vesiqanı lâğu etmege teklifi ile muracaatta bulundı. Bunı o Kiyevde sentâbr 8 künü keçirilgen matbuat konferentsiyasında bildirdi, haber ete Qırım.Aqiqat.

«Menimce, bu qanun lâğu etilmeli – qanun çıqarıcılarımızğa çağıruv. Ulu Vatan cenki vaqtında çızmalarını (işğalcilerniñ – QA) temizlegen insanlarnı bile atıp öldüre ediler, biz mal yükleymiz, elektrika ile teminleymiz. Böyleliknen biz vaziyetni biraz silkermiz ve Ukrainada özlerni qıral sayğan deputatlarnıñ areketlerine baqarmız», – dey İslâmov.

Serbest iqtisadiy zona aqqında qanunnıñ lâğu etilüv imkâniyetini Qırımtatar Milliy Meclisi reisi Refat Çubarov da red etmey.

«Er kesnen, «Qırım» serbest iqtisadiy zonanıñ teşkil etilmesi aqta» qanunğa qol tutqanlar ile de añlaşmağa tırıştıq. Çeşit kabinetlerde farqlı munaqaşalar keçirildi, böyle atymağa mümkün: ne içün Yuqarı Şurada bu qanunnı deñiştirip baqmağa mümkün degil», – dey Qırımtatar Milliy Meclis reisi Refat Çubarov.

Ukrainanıñ mezkür qanunı 2014 senesi sentâbr 27-de amelge keçti.

XS
SM
MD
LG