Qırımğa qıtaiy Ukrainadan elektrik energiyası ketirilmesiniñ toqtatıluvı aqqında sual yaqın zamanda ukrain akimiyetine qoyulacaq. Bunı Kiyevde matbuat konferentsiyası devamında qırımtatarlarnıñ yetekçisi Mustafa Cemilev bildirdi, haber ete Qırım.Aqiqat.
Mustafa Cemilev dey ki, şimdi ukrain tarafı Qırımğa elektrik energiyasınıñ berilmesini añlatmaq içün mana tapa.
«Böyle añlatalar: Qırımğa elektrik energiyasını bermege mecburmız, çünki Rusiye Donetsk ve Lugansk vilâyetlerini teminley. Amma böyle alda sual peyda ola – cenkleşe yoqsa alış-veriş yapamız? Munasebetlerimiz nasıl olmalı? Qırım Rusiye Federatsiyasınıñ yigirmi dörtünci feleral regionı olaraq belgilengen cinaiy añlaşma imzalanılğan edi, memurımız bu vesiqanı imzaladı. Bu sebepten cinaiy mesüliyet olmalı», – dey Cemilev.
O şunı qayd etti ki, Qırımda yaşağan Ukraina vatanperverleri Ukraina topraq bütünliginiñ tiklenilmesi içün dayanmağa azır.
«Qırım sakinleri çıdamağa azır olğanını aytsa, şarqta çıdamazlarmı, memleketimizniñ topraq bütünliginiñ qaytarılmasına qadar, qomşumız ile munasebetlerimiz öyle ağır olğanda», – qayd etti Cemilev.
Qırımtatar Milliy Meclisiniñ reisi Refat Çubarov dey ki, Qırımnıñ elektroteminlevi ile bağlı mevzu ile bir buçuq aydan soñ oğraşmağa mümkün olur.
Qırım.Aqiqat yazğanı kibi, «Ukrenergo» milliy energetik şirketi Qırımnı elektroteminlevden söndürmege planlaştırmay.
Hatırlatamız, sentâbr 8 künü qırımtatarlar Qırım ile memuriy sıñırnıñ qamaçavı boyunca aktsiyanı ilân ettiler.
