Aqmescitte Jukovskiy soqağında Salğır boyunda kesilgen tereklerniñ yerine yañı soylarnı saçacaqlar. Bunı jurnalistlerge şeerniñ rusiyeli memuriyetiniñ başı GennadiyBaharev bildirdi, haber ete KrımMedia.
«Yolbaşçılarımıznı celp etecekmiz, diger regionlardan teklifler bar. İnsanlar kelmege ve tereklerni saçmağa azır», – dedi Baharev, ve devlet bücetinden buña bir kapik bile masraf etilmeycegini bildirdi.
«Er kesilgen terekniñ yerine eki yañı soynı saçacaqmız», – vade etti o.
Onıñ sözlerine köre, yerli akimiyet Salğır boyu ösken talnıñ saçıluvından vazgeçe, çünki bu terekniñ yaşav müddeti pek qısqa ve o bayağı dım yuta.
Qırım.Aqiqat bildirgeni kibi, Aqmescit merkezinde avtomobiller turağını qurmaq içün asırlarce turğan terekler ile bağçanı yoq ettiler.
