Link açıqlığı

Qırımtatar Milliy Meclisi sentâbr 7 künü keçirilgen toplaşuvda Hersonda sentâbr 18 künü qırımtatarlarnıñ regional konferentsiyasınıñ ötkerilmesi aqta qarar aldı.

Meclis matbuat hızmetiniñ beyanatında aytılğanı kibi, bu konferentsiyanıñ keçirilmesi 2015 senesi avgust 16-da Herson regionınıñ yerli meclis azalarınıñ saylav neticeleriniñ belgilenüvi ile bağlı.

Herson vilâyetinde bir 10 biñ qırımtatarı yaşay. Herson şeeri qırımtatarlarnıñ toplu yaşağan yerlerine ait. Esas qısmı Geniçesk rayonında yaşay, mında da yerli meclis saylavları keçirilgen edi.

Herson vilâyetinde yerli meclis azalarınıñ saylavı ilk sefer keçirildi.

Meclis – Qırımtatar Milliy Qurultayınıñ – qırımtatarlarnıñ milliy parlamentiniñ er beş yıl saylanılğan icraiy organıdır.

XS
SM
MD
LG