Qırımtatarlarnıñ teşebbüsi gruppası qıtaiy Ukraina ile memuriy sıñırda Qırımnıñ blok etilüvi boyunca aktsiyağa başlay. Bunı Qırım.Aqiqatqa Meclis reisi Refat Çubarov bildirdi.
«Qırımnıñ qıtadan tam qamaçavını azırlaymız. Azırlıq kete. Esas vazifemiz – Ukrainağa Qırımda yaşağan vatandaşlarnıñ aqlarını qorumağa imkân berecek usullarnı tapmaqtır», – dey o.
Bunıñ ile Meclis reisi aktsiya aqqında tafsilâtlı malümatnı salı künü Kiyevde matbuat konferentsiyasında añlatmağa söz berdi.
Evel ATR telekanalınıñ baş müdiri Lenur İslâmov matbuat konferentsiyasını ilân etti, mında qırımtatarlar ve Ukraina vatanperverleriniñ teşebbüs gruppası Qırım ile memuriy sıñırnıñ qamaçavı aqqında tarif etecekler.
Matbuat konferentsiyası sentâbr 8 künü saat 13:30 Ukrain buhraniy media merkezinde keçirilecek.
