Yılnıñ soñuna qadar Qırım tasil saasındaki binalarınıñ terraktlardan qoruvına ayırılğan 1 milliard rubleni qullanmalı. Bunı Qırım rusiyeli ükümetiniñ tasil, ilim ve gençler naziri Ayder Ablâtipov Aqmescitte matbuat konferentsiyasında bildirdi.
«Söz bir milliard rubleniñ aynı şu meselelerge ayırılması aqta kete edi. Mında 269 belediye mektebi ve 58 devlet tasil obyekti – tehnikum, internatlar kire. Yılnıñ soñuna qadar 1 milliard rubleniñ qullanuvı ile bağlı iş bitirilmeli», – haber ete Ablâtipov, dep bildire RİA Novosti (Krım).
Qırımnıñ terrorizmge qarşı komissiya apparatınıñ başı Aleksandr Bülçevniñ sözlerine köre, aynı iş sağlıq saqlav müessiselerinde keçirile.
