«Wiki Yerni seve» tabiat qoruqlarınıñ halqara fotoresim yarışınıñ ukrain qısmında Qırım Muhtar Cumhuriyetiniñ eñ güzel fotosı saylanıldı, haber eteler yarış teşkilâtçıları.
«Ğalebeni 2013 senesi noyabr ayında yapılğan ve yarışqa 2015 senesi mayıs ayında yüklengen Anastasiya Saknıñ «Cenübiy Demirci tañda» fotoresimi qazandı», – dep tarif etti «Wikimedia Ukraina» cemaat teşkilâtınıñ icraiy müdiri Natalya Tımkiv.
O şunı da qayd etti ki, 2015 senesi QMC tabiat obyektleriniñ eñ çoq resimlerini Kristina Fedoroviç yükledi, wiki mağazını 28 resim ile toldurdı.
«Wiki Yerni seve» – foto yarışınıñ iştirakçileri tabiatnıñ diqqatqa lâyıq yerlerini fotoğa çeke ve Wiki mağazına yükleyler.
