Keriçte Rusiye Federatsiyası prezidenti Vladimir Putinniñ süreti ile reklama billboardlarından birine qara boya töktiler, dep bildire Argumentı Nedeli Kerç.
Bu aqta internetke fotolarnı yüklegen içtimaiy ağlarnıñ qullanıcıları yaza. Olarnıñ sözlerine köre, «Qırım. Rusiye. Ömürlik» içtimaiy reklaması Arşintsevo rayonında yerleşe.
Şunı qayd etmek kerek ki, bozulğan resimni aynı şu künü deñiştirdiler.
Qırım.Aqiqat bildirgeni kibi, avgustnıñ soñunda Aqmescitte Rusiye prezidenti Vladimir Putinniñ Puşkin soqağında yerleşken evniñ ögünde yapılğan resmine boya tökken ediler.
