Link açıqlığı

Qırımda rusiyeli yerli akimiyet ana-babalarnıñ istegine köre mekteplerde talebeler içün tuvğan tilniñ ögretüvini teşkil etmege mecbur. Bunı Aqmescitte matbuat konferentsiya devamında Qırımnıñ tasil, ilim ve gençler naziri Ayder Ablâtipov bildirdi, haber ete Krım Media.

Onıñ sözlerine köre, mekteplerde tuvğan tilni ögrenecek talebelerniñ sayısı emiyetli degildir.

«Bir, eki ya da üç insan olsun, akimiyetniñ belediye organları talebelerge tuvğan tilni ögrenmege imkân bermeli. Bala aqqı – tuvğan tilini ögrenmek», – dey Ablâtipov.

Neşir bildirgeni kibi, Qırımnıñ şimdiki devlet şurası ekinci oquvda «Qırım Cumhuriyetinde tasil aqqında» qanunnı qabul etti. Oña köre, Qırımda tasil Rusiye Federatsiyasınıñ devlet tilinde – rusça alıp barıla. Bunıñ ile qırımlılar mektepten evel, başlanğıç tasilni ukrain, qırımtatar tillerinde ala bile.

XS
SM
MD
LG