Sentâbr 7 künü 150den ziyade musulman «Aqmescit» ava limanından acılıqqa yol aldı, dep bildirile Qırımnıñ şimdiki ükümeti saytında.
Seyyalarnıñ ekinci qısmı Mekkege sentâbr 8 künü çıqacaq. Acılıq 20-21 kün devam etecektir.
Bu sene Rusiyeniñ acılıq eyyetine kirgen qırımlılar içün 300-den ziyade yer berildi.
Berilgen malümatqa köre, Saudiy Arabistan 200 Qırım acısına maddiy yardım köstermege azır. Bunı Ukraina prezidentiniñ qırımtatar halqı işlerinden vekâletlisi Mustafa Cemilevniñ Ukraina Saudiy Arabistan Qırallığınıñ fevqulâde ve vekâletli elçisi Cudiya Alhazal ile körüşüvinden soñ ayttılar.
Acılıq ibadeti – islâm dininiñ beş farzlarından biridir. Er bir musulman acılıq ibadetini yerine ketirmeli.
