Link açıqlığı

Lvivde ukrain şiiriyetiniñ qırımtatar tiline tercimeler cıyıntığını taqdim etecekler


Lvivde naşirciler forumında ukrain şiiriyetiniñ qırımtatar tiline tercimeler cıyıntığını taqdim etecekler. Bunı Qırım.Aqiqatqa «Krım SOS» cemaat teşebbüsiniñ idarecisi Alim Aliyev bildirdi.

«Tedbir bazar künü (avgust 13 künü – QA) saat 18:00 «Jorj» musafirhanesinde keçirilecek. Ukrain şairi – Vladimir Tımçuk eserleriniñ qırımtatar tiline tercimeleri», – dedi Aliyev.

«Bağçasaray 2021» cıyıntığınıñ taqdiminde, teşkilâtçılarnıñ sözlerine köre, edebiyat erbapları Anastasiya Levkova, Seyare Kökça, Mayye Safet, Nadejda Kinaş, Yekaterina Zayko, Lesâ Saliy iştirak etecekler.

Şu künü Lvivde «Köçip kelgenler ve lvivliler: stereotiplerden fikirdeşlikke» serlevalı munaqaşa keçirilecek.

Şimdilik, cemaat teşkilâtlarınnı malümatına köre, Lviv vilâyetinde Qırımdan 3,5 biñden ziyade köçip kelgen, esasen – qırımtatarlar yaşay.

XS
SM
MD
LG