Link açıqlığı

Anayasa komissiyasında Qırım meseleleri boyunca iş gruppasını teşkil etecekler – Çubarov


Ukraina Anayasasında Qırım statusınıñ belgilev meselesi ile mahsus iş gruppası oğraşacaq. Bunı halq deputatı, Qırımtatar Milliy Meclisiniñ reisi Refat Çubarov Lvivde köçip kelgenler ve lvivliler festivalinde qırımlılar ile körüşüvinde ayttı, haber ete Qırım.Aqiqat mühbiri.

«Bilesiñizmi, Qırım MC onuncı bölükte bardır. Tünevin Anayasa komissiyasınıñ başı ve komissiya azalarına muracaat ettim, ve olar teklifime qol tuttılar. Qırım MC meseleleri boyunca iş gruppasını teşkil etemiz. Qırım statusınıñ çezilmesi ile bağlı tecribesi olğan insanlarnıñ soyadlarını seslendirdim. Olarnıñ arasında Golovatıy efendi, Klüçkovskiy efendi, Musiyaka efendi, ve başqaları. Menimce, yaqın zamanda böyle iş gruppası teşkil etilir ve onuncı bölükniñ deñişüvleri üzerinde iş başlanır», – dey Çubarov.

Meclis reisi kene şunı qayd etti ki, Ukraina Anayasasında Qırım statusı yarımada tamır halqı – qırımtatarlarnıñ özüni belgilev aqqı esasında milliy-territorial muhtariyet olaraq belgilenmeli.

Keçken afta Yuqarı Şura Anayasağa detsentralizatsiya ile bağlı deñişüvlerniñ kirsetilmesine qol tuttı.

XS
SM
MD
LG