Link açıqlığı

Poklonskaya QMC prokuraturasınıñ areketlerini qanunsız tanıdı


Qırımnıñ rusiyeil prokurorı Natalya Poklonskaya Facebookta QMC ve onıñ areketlerini qanunsız adladı, böylece o, Qırımnıñ şimdiki başı Sergey Aksenovnıñ sorğuga çağırılğanını izaatladı.

«Olmağan «Qırım Muhtar Cumhuriyeti»niñ «prokuraturası» qanunsız sürette teşkil etilgeni kibi, talapları da qanunsızdır. Bundan da ğayrı, halqara uquq qaidelerini körmemezlikke ura ve atta öz qanuniyetini – Ukraina anayasası ve Ukraina cinaiy-protsessual kodeksini boza», – yaza Rusiye tarafından işğal etilgen Qırımnıñ prokurorı.

O, Kiyevde çalışqan Qırım MC prokuraturasınıñ işi «Qırım Cumhuriyetine iç te bağlı olmağanını» qayd ete.

Evel Natalya Poklonskaya matbuat vastalarında «adımdan ve menim tarafımdan iç bir içtimaiy ağ, içtimaiy saifeler alıp barılmay» degen edi. Amma içtimaiy ağlar vastası ile tarqalğan malümatnı ne Poklonskaya, ne Rusiye hızmetleri red ete.

Hatırlatamız, Ukraina Baş prokuraturası yanındaki Qırım Muhtar Cumhuriyetiniñ prokuraturası sentâbr 8 künü Qırım başı Sergey Aksenovnı sorğuğa çağıra.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ Qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG