Link açıqlığı

ATR qırımtatar telekanalı Herson vilâyeti Geniçesk rayonında Qırımğa yayınlaycaq ola. Telekanal müdiri Lenur İslâmov aytqanı kibi, ATR haber bölüklerini yaqın kelecekte Geniçesk rayonı, soñra – Romaniya ve Türkiyede – İstanbulda açacaq olalar.

Geniçesk rayonında bölükniñ açılması ile bağlı añlaşma aqqında o, devlet strukturaları ile işbirlik imkâniyeti qıdırlağanını bildirdi, şimdilik tam qarar daa alınmadı.

«Şimdilik quvandırıp olamayım. Amma, menimce, sentâbr ortasından Qırım meselelerinde vaziyet tezleştirilecektir», – dey İslâmov.

Öz nevbetinde, Geniçesk rayon devlet memuriyetiniñ başı Aleksandr Vorobyov Qırım.Aqiqatqa yerli akimiyetniñ ATRge qol tutmağa azırlığını bildirdi.

Onıñ sözlerine köre, yerli akimiyet Geniçesk rayoınından telekanal yayınlavına yardım etmege ve topraq damartısını bermege azırdır.

ATR qırımtatar telekanalı 2015 senesi aprel 1-den Qırımda işini toqtatmağa mecbur edi. 2015 senesi iyün 18-den kanal Kiyevde işlemege başladı.

Evel Lenur İslâmov Lviv ve Hersonda bölüklerni açmaq planları aqqında bildirgen edi.

XS
SM
MD
LG