Link açıqlığı

Lvivde köçip kelgenlerniñ festivali: qırımtatar folku ve keramika


Lvivde Ukrainada ilk sefer köçip kelgenler ve lvivlilerniñ festivali keçe. Qırım yırcılarını diñlemek ve özüni çölmekçilik ünerinde sınamaq içün festivalge yüzden ziyade insan keldi, haber ete Qırım.Aqiqat mühbiri.

Sentâbr 4 künü Lviv merkezinde qırımtatar keramikacısı Rustem Skibin çölmekçilik üneri boyunca master class keçirdi, festivalniñ muzıka sanasında «CanDuyet» – akkordeon çalğıcısı Şevket Zmorka ve perusist Orhan Agabeyliniñ umumiy leyhası, em de qırımtatar halq yırlarınıñ yırcısı Elvira Sarıhalil «AcousticQuartet» jazz taqımı ile çıqışta bulundılar.

Teşkilâtçılar deyler ki, festivalniñ esas maqsadı – yerli sakinlerni ve köçip kelgenlerni birleştirmek.

«Halqnıñ medeniyet ve adetleri – onıñ yüzüdir. Bu kibi tedbirniñ çerçivesinde qırımtatar halqınıñ adetleri ile tanışuv – bir-birimizni eyice tanımağa fırsat berecek bir adımdır. Medeniyet, em ukrain, em qırımtatar medeniyetiniñ tamırları terendir», – dedi Qırım.Aqiqat mühbirine Rustem Skibin.

«Köçip kelgenler ve lvivliler festivali» – yerli sakinlerni ve köçip kelgenlerni birleştirecek bir medeniy köpürdir. Ukrainada bu kibi leyha ilk kere ötkerile. Teşkilâtçıları – «Lvivde Qırım evi», «KrımSOS» cemaat teşebbüsi, «Vozrojdeniye» halqara fondu. Festival Lvivde Şarqiy İşbirlik Kongressiniñ çerçivesinde keçirile.

XS
SM
MD
LG