Link açıqlığı

Kiyev sakini Qırımda «qanunsız kirişi» içün maküm etildi, haber ete Qırımnıñ rusiyeli prokuraturası.

Beyanatta bildirilgeni kibi, Ermeni Bazar prokuraturası 26 yaşında Ukraina vatandaşına nisbeten cinaiy iş boyunca qabaatnı qabul etti ve «Rusiye Federatsiyasına kiriş aqqını tasdiqlağan vesiqalarnıñ olmağanı alda Rusiye Federatsiyası devlet sıñırından keçüvde qabaatlı» olaraq tanıdı.

«Malüm ki, Kiyev sakini, diger şahısnıñ Ukraina vatandaşı pasportını kösterip, Ermeni Bazar kiriş noqtasında qanunsız sürette sıñırdan keçti», – dep añlatalar bildirüvde.

Şunı da qayd eteler ki, Ermeni Bazarnıñ şeer mahkemesi qabaatlı şahısqa 15 biñ ruble miqdarında para cezasını belgiledi.

Maküm etilgen Ukraina vatandaşınıñ adı ve soyadı qayd etilmegen. İzaatı da yoqtır.

2014 senesi Qırımnıñ Rusiye tarafından işğal etilgeninden soñ qıtaiy Ukraina ve yarımada arasında resmiy şekilde – memuriy, amelde ise – aqiqiy bir sınır peyda oldı. Qırım vaqtınca işğal etilgen territoriya olaraq adlana.

XS
SM
MD
LG