Rusiye tarafından işğal etilgen Aqyarda, Fiolent burnunda, plâjda istiraat qaideleri ile levha asıla. Qaidelerni bozğanlarnı para cezası ve atta tevqif ile qorquzalar. Bunıñ ile tenbiyeviy malümatta Ukraina qanunlarına esaslanalar, haber ete Qırım.Aqiqat mühbiri.
Şu cümleden, ziyaretçilerni plâjlarda köpeklerniñ olması, içki içilmesi, ocaqlarnıñ yaqılması, gecelev aqta tenbiyeleyler. Bunıñ ile Ukraina qanuniyetine köre belgilengen para cezaları qara boya ile boyalanğan. Yalıñız küneşte çıplaq yatqanlarğa olacaq ceza qara boya ile qayd etilmegen. Bu alda, insanlarnı 15 künlük tevqif bekley.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ Qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
