Link açıqlığı

Saatnıñ esas haberi

«Köçip kelgenler ve lvivliler festivali»nde qırımtatar folk-yırcısı iştirak etecek


Lvivde, sentâbr 4-de aqşam, qırımtatar halq yırlarını icra etken Elvira Sarıhalil ve «Acoustic Quartet» (Krım, Harkov, Donetsk) jazz taqımınıñ umumiy leyhasınıñ kontserti ötkerilecek..

Qırım.Aqiqatqa «KrımSOS» cemaat teşebbüsinde bildirilgeni kibi, kontsert «Köçip kelgenler ve lvivliler festivali» çerçivesinde keçirilecek, festival sentâbr altısına qadar devam etecektir.

Elvira Sarıhalil – qırımtatar halq yırlarınıñ eñ belli yırcılarından biridir. Elvira qırımtatar şairleriniñ zemaneviy şiiriyetine diqqat ayıra ve özü oña muzıka yaza.

Aynı şu künü qırımtatar ustası Rustem Skibin çolmekçilik sanaatı boyunca master-klass keçirecek.

«Köçip kelgenler ve lvivliler festivali» – yerli sakinlerni ve köçip kelgenlerni birleştirecek bir medeniy köpürdir. Ukrainada bu kibi leyha ilk kere ötkerile.

Teşkilâtçıları – «Lvivde Qırım evi», «KrımSOS» cemaat teşebbüsi, «Vozrojdeniye» halqara fondu. Festival Lvivde Şarqiy İşbirlik Kongressiniñ çerçivesinde keçirile.

XS
SM
MD
LG