Link açıqlığı

Cemilev: Tuvğanları oğlumnıñ Ukrainağa qaytarılmasını talap etmesin dep, Rusiye onıñ ükmüni deñiştirdi


Qırımtatarlarnıñ milliy yetekçisi, Ukraina halq deputatı Mustafa Cemilev dey ki, Rusiye Yuqarı mahkemesiniñ oğlu Hayserniñ ceza müddetiniñ qısqartıluvı aqqında qararı ile aileni maküm etilgenniñ Ukrainağa berilmesi aqta talabından vazgeçmege mecbur etecek olalar.

«Aynecilik şunda ki, Rusiye mahkemesiniñ bergen ceza müddeti, ukrain mahkemesine köre, üç ay azcadır. Onıñ Ukrainağa teslim etilüvinden vazgeçecegimizge ümüt besleyler, ğaliba. Amma biz bu aqta İnsan aqları boyunca Avropa mahkemesiniñ qararınıñ amelge keçirilmesine israr etemiz», – dey Mustafa Cemilev Qırım.Aqiqatqa.

Hayser Cemilevni 2013 senesi mayıs 27-de onıñ Bağçasaraydaki evinde yaqaladılar. Anda 44 yaşında Fevzi Edemov öldürilgen edi. Militsiya Cinaiy kodeksniñ 115-inci maddesiniñ 1-inci qısmı boyunca (planlaştırılğan öldürüv) cinaiy iş açtı.

Aqmescitniñ Kiyev rayon mahkemesi Hayser Cemilevni apiske aldı. Qırım işğalinden soñ taqiqat organları bu işni ğayrıdan taqiq etmege qarar berdiler. Hayserni Qırım SİZOsından Krasnodar ülkesine alıp kettiler.

Hayser Cemilev qabaatını tanımay. Adliyecisi öldürüv diqqasızlıqtan sebep olğanını bildire. Kiyevniñ Apellâtsion mahkemesi ise Hayser diqqatsızlıqtan cinayet yaptı qararına kelip, onı azat etmege qarar aldı. İnsan aqları Avropa mahkemesi de Hayser Cemilevniñ azat etilmesi aqqında qararnı qabul etti. Lâkin Rusiye onı yerine ketirmey.

XS
SM
MD
LG