Link açıqlığı

Moskvada Sentsovnıñ şeref ve itibarınıñ qoruvı boyunca mahkeme toplaşuvı keçirilecek – advokat


Dmitriy Dinze – Rusiyede 20 yıllıq apis cezasına maküm etilgen ukrain rejissörı Оleg Sentsovnıñ advokatı sentâbr 9 künü Moskvada Sentsovnıñ şeref ve itibarınıñ qoruvı boyunca ve FSBge qarşı mahkeme toplaşuvı keçirilecegini bildire. Advokatnıñ aytqanı kibi, evel Rusiye mahsus hızmeti tarafından tarqatılğan «Sentsov aqqında yalan matbuat-release» aqta söz kete.

«Biz Yuqarı mahkemege kelip, oña qol tutmağa rica etemiz, amma Оlegniñ tek video bağı vastasınen qoşulması mümkün. Al-azırda advokatlar sizge evel kösterilmegen malümatnı taqdim ete ve cevapsız qalğan sualleriñizge cevap bere bile», – dey Dinze

O Sentsovğa destek kösterilmesiniñ emiyetini de qayd etti.

«Оleg içün mektüpleriñiz ğayet müimdir, apiste başqa yapılacaq şey yoq ve mektüpler olmasa, tışta ne olğanını tek fal baqıp ögrenmege mümkün», – yaza Dinze.

Avgust 25 künü Rusiye mahkemesi Sentsovnı 20 yılğa apiske aldı. Faali Aleksandr Kolçenkonı – 10 yılğa. Olarnı Qırımda teraktlarnıñ teşkil etilmesinde qabaatlaylar. Olar öz işlerini siyasiy adlap, qabaatlarnı tanımaylar.

XS
SM
MD
LG