Link açıqlığı

Hayser Cemilevniñ tuvğanlarına onıñ Rusiye mahkemesiniñ qararı boyunca cezasını körecek yeri aqqında bildirmeyler


Rusiye Yuqaı mahkemesiniñ Hayser Cemilevniñ apis müddetiniñ qısqartıluvı aqqında qararından soñ, tuvğanlarına maküm etilgenniñ ileride bulunuv yeri aqqında bildirmediler.

Bunı Qırım.Aqiqatqa Hayser Cemilevniñ anası Safinar Cemileva bildire.
Onıñ sözlerine binayen, Hayserninñ apiske yollanuv vaqtı aqqında tuvğanları haber alıp olamaylar.

«Rusiye Yuqarı mahkemesiniñ qararından soñ onı birazdan müstemlekege yollaycaqlar. Amma bunı gizleyler. Qayda yollaycaqlarını aytmaylar. Endi tek kelgeninden soñ onıñ bulunuv yerini bilecekmiz», – dey Safinar Cemileva.

Oğlu ile soñki sefer iyünde körüşti.

Çarşenbe künü, sentâbr 2-de, Rusiye Yuqarı mahkemesi evel 5 yıllıq apis cezasını alğan Hayser Cemilevniñ ceza müddetini qısqarttı.
Hayser Cemilevni 2013 senesi mayıs 27-de onıñ Bağçasaraydaki evinde yaqaladılar. Anda 44 yaşında Fevzi Edemov öldürilgen edi. Militsiya Cinaiy kodeksniñ 115-inci maddesiniñ 1-inci qısmı boyunca (planlaştırılğan öldürüv) cinaiy iş açtı.

Aqmescitniñ Kiyev rayon mahkemesi Hayser Cemilevni apiske aldı. Qırım işğalinden soñ taqiqat organları bu işni ğayrıdan taqiq etmege qarar berdiler. Hayserni Qırım SİZOsından Krasnodar ülkesine alıp kettiler.

Hayser Cemilev qabaatını tanımay. Adliyecisi öldürüv diqqasızlıqtan sebep olğanını bildire. Kiyevniñ Apellâtsion mahkemesi ise Hayser diqqatsızlıqtan cinayet yaptı qararına kelip, onı azat etmege qarar aldı. İnsan aqları Avropa mahkemesi de Hayser Cemilevniñ azat etilmesi aqqında qararnı qabul etti. Lâkin Rusiye onı yerine ketirmey.

XS
SM
MD
LG