Ukraina devlet sıñır hızmetinde bildirilgeni kibi, sentâbr 2 künü Herson bölüginiñ «Qızıl Çaban» sıñırcıları gümrük hızmetçileri ile Rusiye tarafından işğal etilgen Qırımğa kirsetilecekolğan ukrain pasportlarını tapqanlar.
Matbuat hızmetiniñ beyanatına bildirilgeni kibi, sıñır bekçileri qıtaiy Ukrainadan yarımadağa yol alğan maşinanı teşkerip baqtılar.
«Teşkerüv köstergeni kibi, maşinada, şeyler arasnda, Hersonnıñ 40 yaşında sakini Ukraina vatandaşlarınıñ 10 çetel pasportını, 3 adiy ukrain pasportı, 3 - gemici şahıs şeadetnamesi,1 ingliz tiline tercime etilgen tasil diplomı, 1 evlenüv aqqında şeadentame kopiyası, 1 doğuv aqqında şeadentame kopiyası, 1 bergi ödegen şahısnıñ varaqa kopiyası, 2 Ukraina vatandaşı pasportınıñ kopiyası», – denile beyanatta.
Ukraina uquq qoruyıcıları vesiqa saiplerini ve avuştıruv maqsadını örgeneler. Erkekni yaqaladılar ve içki işler nazirligi hadimlerine teslim ettiler.
Diger qaynaqlardan işbu malümatnıñ tasdiqlavı yoq. Erkekniñ izaatı da şimdilik yoqtır.
