Qırımnıñ rusiyeli başınıñ qararı ile Qırımda Aqmescit ve Aqmescit rayonınıñ birleşüvi boyunca deñev leyhasını amelge keçirecek iş gruppası teşkil etildi.
Bu aqta Qırımnıñ rusiyeli ükümetiniñ saytında aşkâr etilgen mütenasip vesiqada aytıla.
«İş gruppasına belediyelerniñ birleşüvinden ola bilecek aqibetlerniñ taliline 2015 senesi sentâbr 20-ne qadar vaqıt berile», – denile vesiqada.
Vesiqağa köre, 16 insandan ibaret iş gruppasınıñ başı Qırımnıñ rusiyeli ükümetiniñ baş nazir muavini Mihail Şeremet olacaqtır.
