Link açıqlığı

Almaniyanı yılnıñ soñuna qadar köçip kelgen balaçıqlarnıñ üç gruppası ziyaret etecek – ukrain konsulı


Regensburg, Heidelberg ve Leinfelden-Echterdingen alman şeerçikleri bu sene köçip kelgen balaçıqlarnı tatillerge qabul eter. Bunı Münchende Ukraina baş konsulı Vadim Kоstük bildirdi.

Facebookta yazğanı kibi, 2015 senesi Bayern ve Baden-Württemberg şeerlerine kiçkene ukrainlerniñ altı gruppası kelgen edi. Ziyaretler Bayern Qızıl Haç, Bayern devlet kantselâriyası, UkraineKinderHilfe Augsburg e.V., DMP Development Group (Ukraina) ve JK Development (İsveçre) şirketleri tarafından teşkil etildi.

«Yılnıñ soñuna qadar daa üç gruppanıñ (20-30 bala) kelmesi beklenile», – dey Kоstük.

2015 senesi avgust 31-ne Ukraina İçtimaiy siyaseti nazirliginiñ malümatına köre, Qırım ve Donbasstan kelgen 1 million 459 biñ 226 insan ve 1 million 145 biñ 645 qoranta qayd etilgendir.

XS
SM
MD
LG