Aqmescitte keçken afta devamında «abadanlıq qaideleriniñ» bozuluvı içün yüz biñ rubleden ziyade ceza belgilendi.
«Belediye toprağında isarlarnıñ qoyulması, qurucılıq malzemeleriniñ saqlanuvı, qurucılıq çöplüginiñ atuvı sebebinden cezalarnıñ belgilenmesi aqta qararlar çıqarıldı. Vatandaşlarğa biñ rublege qadar cezalarnı bergenler. Aynı şu bozuluvda qurucılıq şirketi «tutuldı» – oña 15 biñ ruble miqdarında para cezası berildi», – dep bildire şeerniñ rusiyeli memuriyetiniñ matbuat hızmeti.
Qayd etile ki, kvas, meyva ve sebzeni qanunsız sürette satqanlarnı da mesüliyetke çektiler. Komissiya toplaşuvında 23 memuriy malümat baqıldı, belgilengen cezalarnıñ umumiy miqdarı – yüz biñden ziyade oldı.
