Qırımda yıl başından turist aqımı 3,2 mln raatlanıcını teşkil etti, keçken senege köre, 900 biñge ziyade. Bunı Kurort ve turizm naziri Sergey Strelbitskiy bildirdi, haber ete «Krıminform» haber agentligi.
«Yaznıñ soñunace Qırımnı 3 216 turist ziyaret etti. Keçken senege köre 900 biñge ziyade», – dey Strelbitskiy.
Nazirniñ aytqanı kibi, yazda raatlanıcılarnıñ 52% Büyük Yalta regionı qabul etse, avgust ayında vaziyet deñişti: «Yalta birinci yerni ğayıp etti ve şimdi onıñ turistik aqımı 36% teşkil ete».
Nazirniñ aytqanı kibi, bu mevsimniñ hususiyeti – turistler Qırımnı öz başına ögrenmege aves etkenler. «Eki kün Yaltada, soñ bir qaç künge Kezlevge, soñra Sudaqqa bara ediler, neticede böyle turistlerni Kefede qarşılay edik», – dey o.
Yıl başında Qırım ükümetiniñ Kurort nazirligi 4.5 mln raatlanıcını bekley edi.
