Link açıqlığı

Saatnıñ esas haberi

Herson vilâyetiniñ bala bağçasında qırımtatar tili ve medeniyetiniñ ögrenilmesi içün gruppanı açtılar.

Qırım.Aqiqat mühbiri bildirgeni kibi, gruppa Herson vilâyeti Geniçesk rayonı Novoalekseyevka qasabasınıñ «Cereltse» bala bağçasında teşkil etildi.

Bala gruppasınıñ tantanalı açılışına Herson vilâyet devlet memuriyetiniñ temsilcileri, qasaba yolbaşçılığı ve yerli meclis vekilleri qoşuldı.

Musafirler ediyeler ile keldiler, balalarğa ukrain ve qırımtatar timsalleri ile bayraçıqlarnı bağışladılar. Açılışta qırımtatar ve ukrain yır ve oyunlarını icra ettiler, musafirlerni qave ve tatlılıqlar ile sıyladılar.

Gruppa odasını qırımtatar üslübinde donattılar.

Qırım.Aqiqatqa vilâyet devlet memuriyetiniñ tasil bölüginiñ yolbaşçısı İrina Popova aytqanı kibi, Novoalekseyevkanıñ daa bir «İvuşki» bala bağçasında qırımtatar gruppasını açmaqtalar.

Onıñ sözlerine köre, Novoalekseyevkada bala bağçalarında qırımtatar gruppalarınıñ açıluvı – 2015-1016 oquv yıllarına vatandaşlarnıñ qırımtatar milliy adet ve medeniyetiniñ rağbetleştirüvi ve tasilniñ qırımtatar tilinde alınmasına aqlarınıñ amelge keçirilüvi boyunca plannıñ bir qısmıdır.

XS
SM
MD
LG